ମୁମ୍ଵାଇ ୨୪।୧୨; ମୁମ୍ବାଇର ବଲିଉଡର ପ୍ରସିଦ୍ଧ ଗାୟକ ଶାନ। ତାଙ୍କ ଆବାସିକ ଭବନରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଛି। ସୂଚନା ଅନୁଯାୟୀ ଅଗ୍ନିଶମ ଟେଣ୍ଡର ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା କାମ କରୁଛି। ଏହି ଘଟଣାରେ କେହି ଆହତ ହୋଇଥିବା ନେଇ ଖବର ଏପର୍ଯ୍ୟନ୍ତ ନାହିଁ।ବାନ୍ଦ୍ରା ପଶ୍ଚିମ ଅଞ୍ଚଳରେ ଅବସ୍ଥିତ ଫର୍ଚୁନ୍ ଏନକ୍ଲେଭ ନାମକ ଏକ ଆବାସିକ କୋଠାର ସପ୍ତମ ମହଲାରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଥିଲା। ଘଣ୍ଟା ଘଣ୍ଟା ପରିଶ୍ରମ ପରେ ୧୦ ଟି ଅଗ୍ନିଶମ ବାହିନୀ ନିଆଁକୁ ନିୟନ୍ତ୍ରଣକୁ ଆଣିଥିଲେ ।
#WATCH | Mumbai, Maharashtra: Fire broke out in singer Shaan's residential building. Fire tenders on the spot. Further details awaited. pic.twitter.com/qWsmCggrf8
— ANI (@ANI) December 23, 2024
ଅଗ୍ନିଶମ ବିଭାଗ ଅନୁଯାୟୀ, ଜରୁରୀକାଳୀନ ନମ୍ବରରେ ନିଆଁ ଲାଗିଥିବା ସୂଚନା ପାଇଥିଲେ। ଏହା ପରେ ଅଗ୍ନିଶମ ବାହିନୀ ୧୦ଟି ଅଗ୍ନିଶମ ଟେଣ୍ଡର ନେଇ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରି ବିଲ୍ଡିଂକୁ ଖାଲି କରିଥିଲେ। ପ୍ରସିଦ୍ଧ ଗାୟକ ଶାନଙ୍କର ମଧ୍ୟ ଏହି କୋଠାର ଏକାଦଶ ମହଲାରେ ଏକ ଫ୍ଲାଟ ଅଛି । ନିଆଁ ଲାଗିବା ସମୟରେ ଶାନ ଏବଂ ତାଙ୍କ ପରିବାର ସେମାନଙ୍କ ଫ୍ଲାଟରେ ଉପସ୍ଥିତ ଥିଲେ। ସୌଭାଗ୍ୟବଶତଃ ଏହି ଘଟଣାରେ କେହି ଆହତ ହୋଇନାହାଁନ୍ତି।
ସର୍ଟ ସର୍କିଟ ଦ୍ୱାରା ନିଆଁ
ଅଗ୍ନିକାଣ୍ଡର କାରଣ ସର୍ଟ ସର୍କିଟ ବୋଲି ପ୍ରାଥମିକ ଅନୁସନ୍ଧାନରେ ଅଗ୍ନିଶମ ବିଭାଗର ଅଧିକାରୀ କହିଛନ୍ତି। ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ କରୁଛି। ସୂଚନା ମୁତାବକ, ମୁମ୍ବାଇ ପୋଲିସ ଏବଂ ଫାୟାର ବ୍ରିଗେଡ ଦଳ ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ। କିଛି ଘଣ୍ଟା ପରେ ଅଗ୍ନିଶମ ବାହିନୀ ନିଆଁକୁ ନିୟନ୍ତ୍ରଣକୁ ଆଣିଥିଲେ। ଏହି ସମୟ ମଧ୍ୟରେ ବିଲ୍ଡିଂରେ ରହୁଥିବା ଲୋକଙ୍କୁ ବାହାରକୁ ଅଣାଯାଇଥିଲା। ଗାୟକ ଶାନ ମଧ୍ୟ ତାଙ୍କ ପରିବାର ସହିତ ବିଲଡିଂ ବାହାରେ ଠିଆ ହୋଇଥିଲେ।
